مەودا میدیا- سەركۆ جەمال

نوێنەری سكرتێری گشتی نەتەوەیەكگرتووەكان لەعیراق، بە عەباوە دەچێتە لای ئایەتوڵا عەلی سیستانی مەرجەعی باڵای شیعەكانی عیراق و لە كۆبوونەوەیەكدا چەند تەوەرێكیان تاوتوێ كردووە.

ئەمڕۆ نووسینگەی ئایەتوڵا عەلی سیستانی، مەرجەعی باڵای شیعەكانی عیراق رایگەیاند "جێنین پلاسخارت نوێنەری سكرتێری گشتی نەتەوە یەكگرتووەكان لە عیراق، سەردانی نەجەفی كردووە و لەگەڵ سیستانی كۆبووەتەوە".

نوسینگەكەی سیستانی راشیگەیاندووە "لەگەڵ سیستانی جەختییان لەسەر ئەنجامدانی هەڵبژاردن لە وادەی دیاریكراوی خۆی و كۆنتڕۆڵكردنی چەكی بۆ مۆڵەت و لێكۆڵینەوە بە دۆسییەكانی گەندەڵی كردووەتەوە".