کوردستانی

لە دوای ئەشکەنجەدانی کۆڵبەرێک دەکوژرێت

مەودا میدیا - سلێمانی |


لە دوای ئەشکەنجەدانی کۆڵبەرێک دەکوژرێت
مەودا میدیا-

کۆڵبەرێک لە سنوورەکانی شاری شنۆ دوای دەستبەسەرکران بە تەقەی راستەوخۆی هێزە چەکدارەکان کوژراوە، وەک سەرچاوەیەکی ئاگادار ئاماژەی پێکردووە ئەو کۆڵبەرە زۆر ئەشکەجەدراوە و دواتر کوژراوە.

رێکخراوی مافی مرۆڤی هەنگاو بڵاویکردووەتەوە، رۆژی شەممەی رابردوو  هێزە چەکدارەکانی ئێران لە سنوورەکانی شاری شنۆ تەقەیان لە کۆڵبەرێک بە ناوی "سەلاحەدین عیسازادە" کردوە و بە سەختی برینداریان کردووە.

بە وتەی سەرچاوەیەکی ئاگادار، هێزەچەکدارەکان دوای بریندار کردنی ئەو کۆڵبەرە، دەستبەسەریان کردووە و ئەشکەنجەیان داوە و لە کۆتاییدا بە تەقەی راستەوخۆ کوشتوویانە.

سەلاحەدین عیسازادە تەمەنی 45 ساڵە و خەڵکی گوندی شێوەسماک سەربە شاری شنۆ بووە کە دوایی کوژرانی تەرمەکەیان گواستووەتەوە بۆ پزیشکی دادی شاری نەغەدە.

س.س