مەودا میدیا-

وەزارەتی گواستنەوە و گەیاندنی حکومەتی هەرێمی کوردستان رایدەگەیەنێت له‌سه‌ر داواکاریی وه‌زاره‌تى ته‌ندروستیی توركیا گه‌شته‌ ئاسمانییه‌كانى نێوان تورکیا-هه‌رێمى كوردستان -عیراق راده‌گیرێن تا کاتێکی نادیار.

له‌مباره‌یه‌وه‌ ئه‌حمه‌د هۆشیار، به‌ڕێوه‌به‌رى گشتی فڕۆكه‌خانه‌ى نێوده‌وڵه‌تیی هه‌ولێر راگه‌یاند "كاتژمێر 6:30 خوله‌كى ئێواره‌ى دوێنێ، له‌ڕێگه‌ى ده‌سەڵاتی فڕۆكه‌وانیی مەدەنی عێراقییه‌وه‌ ئاگادار كراینه‌وه‌ كه‌ به‌ فه‌رمى وه‌زاره‌تى ته‌ندروستیی توركیا داواى له‌ ده‌سته‌ى هێڵه‌ ئاسمانییه‌ مه‌ده‌نییه‌كانى توركیا كردووه‌، كه‌ گه‌شته‌كانى به‌ گشتى له‌گه‌ڵ عیراق رابگرێت".

ئاماژەی بەوەشکرد "له‌ كاتژمێر 12ى ئه‌مشه‌وه‌وه‌ گه‌شته‌كانى نێوان هه‌رێمى كوردستان - توركیا و عیراق - توركیا تا كاتێكى نادیار راده‌گیرێن، هەروەها له‌باره‌ى ئه‌و كه‌سانه‌ى بلیتى فڕۆكه‌یان كڕیوه‌ و ده‌یانه‌وێت گه‌شت بۆ توركیا بكه‌ن، به‌ڕێوه‌به‌رى فڕۆكه‌خانه‌ى نێوده‌وڵه‌تیی هه‌ولێر باسى له‌وه‌كرد "پێویسته‌ ئه‌و كه‌سانه‌ سه‌ردانى ئۆفیسى توركیش ئێرڵاین و پێگاسوس و هێڵى ئاسمانیی عێراقی بكه‌ن، به‌ڵام ئه‌و گه‌شتانه‌ ده‌مێنن كه‌ خه‌ڵكى هه‌رێمى كوردستان و عێراق له‌ توركیاوه‌ ده‌هێننه‌وه‌، به‌پێچه‌وانه‌شه‌وه‌".

س.س