مەودا میدیا- سازگار ئەحمەد

هەندێک لە دایکان کێشەی ئەوەیان هەیە کەوا چۆن خواردنێکی تەندروست بدەن بە منداڵەکانیان تاوەکو بتوانن بە تەندروستیەکی باشەوە گەشە بکەن و خواردنیش رۆڵێکی کاریگەری هەیە لە گەشەکردنی منداڵان بە تایبەت لە دوای تەمەنی یەک ساڵەوە.

پێویستە دایکان میوە و سەوزەی زیاتر بدەن بە منداڵەکانیان هەمیشە پزیشکان ئامۆژگاری ئەوەمان دەکەن گرنگیەکی زیاتر بە خواردنی سەوزە و میوە بدەین بەتایبەت بۆ منداڵەکانمان، چونکە برێک زۆر لە مادەی تەندروستی بۆ منداڵ تێدایە.

ماست برێکی باش لە بەکتریای بەسوودی تیدایە کە بۆ تەندروستی منداڵ گرنگە، بەڵام تۆ دەتوانرێت جۆرە ماستێک هەڵبژێردرێت کە بڕێکی کەم لە چەوری تێدابێت، هەروەها پەتاتە، لەتوانایدایە کە منداڵ تێربکات و چەندەها مادەی بەسوودی تێدایە، بۆئەوەی کە منداڵ گەشەیەکی باشی هەبێت.

خواردنەوەی شیر گرنگە، چونکە شیر گرنگترین خۆراکە بۆ منداڵ لەبەرئەوەی کە برێکی باش لە کالیسیۆمی تێدایە کە بۆ ددانی منداڵ بەسوودە و ئێسکی منداڵیش پتەو دەکات.

س.س