مەودا میدیا-

سەرۆک وەزیرانی کاربەڕێکەری عیراق رایدەگەیەنێت عیراق دەتوانێت تەواوی ئاستەنگەکان تێپەڕێنێت ئاماژەی بەوەشکرد په‌یوه‌ندییه‌كانی عیراق له‌ باشترین ئاستدان.

عادل عه‌بدولمه‌هدی، سه‌رۆك وه‌زیرانی كاربه‌ڕێكه‌ری عیراق لە کۆبوونەوەی ئەمڕۆی ئەنجومەنی وەزیراندا رایگەیاند "ئه‌گه‌رچی حكومه‌تی وڵات كاربه‌ڕێكه‌ره‌ و ئه‌نجومه‌نی پارێزگاكانیش هه‌ڵوه‌شێندراونه‌ته‌وه‌، به‌ڵام عیراق ده‌توانێت ته‌واوی ئاسته‌نگه‌كان تێپه‌ڕێنێت".

ئاماژەی بەوەشکرد "پێویستە به‌ره‌نگاری شانه‌ نووستووه‌كانی داعش ببینه‌وه‌ بۆ ئه‌وه‌ی چه‌كدارانی ئه‌و رێكخراوه‌ دۆخه‌كه‌ نه‌قۆزنه‌وه".

سەرۆک وەزیرانی کاربەڕێکەری عیراق ئاماژەی بەوەشکرد "عیراق پەیوەندییەکانی له‌ باشترین ئاستدان و جەختی کردەوە لە پاراستنی مافی هاوڵاتیان و رێزگرتنیان".