مەودا میدیا- سازگار ئەحمەد

لەگەڵ هاتنی وەرزی پایزدا پێستمان تووشی وشکبوون و قڵیشان دەبێت بە تایبەت دەست و لێوەکان، ئەمەش دەبێت هۆی بێزاربوونی کەسەکان، بەڵام تۆ دەتوانیت لە رێگەی ئەنجامدانی چەند کردارێکەوە خۆت لە قڵیشانی پێستت رزگار بکەیت، ئەوانیش:

- هەوڵبدە زیاتر ئەو پاککەرەوانەی کە کرێمین و شێدارن بەکاریبهێنن.

- لێوەکان پشتگوێ مەخە و هاوشێوەی پێستت گرنگی پێبدە وەک بەکارهێنانی کرێمێکی تایبەت بە لێو کە شێداربێت.

- بە رۆژدا تۆ دەتوانیت دژەخۆر بەکاربهێنیت، چونکە تیشکی خۆر جگە لە هاوین لە وەرزەکانی دیکەش کاریگەری هەیە لەسەر پێست.

- بەگشتی دەتوانیت شەوان پێش خەوتن کرێمێکی شێدار بۆ هەموو پێستی جەستەت بەکاربهێنیت.

- قژت و پێستی سەرت لە بیرمەکە و لەکاتی خۆشۆردندا بە ئاوێکی شلەتێن قژت بشۆ.

- هەوڵبدە ئەو خواردنانە بخۆیت کە برێکی زۆر لە ڤیتامین Cی تێدایە، چونکە گرنگە بۆ پێست.

س.س