مەودا میدیا-

شەوی رابردوو لەسەر رێگەی هەولێر - شەقڵاوە لە رووداوێکی هاتوچۆدا دوو ئۆتۆمبێل پێکیاندا دا و لە ئەنجامدا کەسێک گیانی لەدەستدا و شەش کەسی دیکەش برینداربوون، هەروەها زیانێکی مادی زۆریش بەر ئۆتۆمبێلەکان کەوتن.

فازل حاجی، وتەبێژی هاتوچۆی هەولێر رایگەیاند "کاتژمێر 10:00ی شەوی رابردوو لەسەر رێگەی هەولیر - شەقڵاوە لە پشت دەرچەی تونێلی پیرمام بەدیوی شەقڵاوە دوو ئۆتۆمبێلی جۆری ئۆپل ڤیکترا پیکیاندا دا لە ئەنجامی رووداوەکە کەسێک گیانی لەدەستدا و 6 کەسی دیکەش برینداربوون و زیانێکی زۆری مادیش کەوتەوە".

ئاماژەی بەوەشکردووە "هۆکاری بۆ کەوتنەوەی رووداوەکە تیژرۆیی و خێرا لێخورین بوو لە پێچی دوای تونێلەکە کە ئەمە وایکردبوو ئۆتۆمبێلی ئۆپلەکە کۆنترۆڵ لە دەستبدات و خۆی بکێشێت بە ئۆپلێکی تری ڤیکترا کە لە دیوی راستی رێگەکە دەڕۆیشت".

س.س