لە ماوەی یەک مانگدا لە شارەکانی کوردستان نزیکە 12 کەس کۆتاییان بە ژیانی خۆیان هێناوە

کوردستانی

لە ماوەی یەک مانگدا لە شارەکانی کوردستان نزیکە 12 کەس کۆتاییان بە ژیانی خۆیان هێناوە

مەودا میدیا - سلێمانی | 2020/10/24

مەودا میدیا-

لە ماوەی مانگی رابردوو لانیکەم 12 هاوڵاتیی کورد لە شارە جیاجیاکانی کوردستان کۆتاییان بە ژیانی خۆیان هێناوە کە تەمەنی پێنج کەسیان خوار 18 ساڵ بووە و بە هۆکاری جیاجیا خۆیان کوشتووە.

بە پشتبەستن بە ئاماری تۆمارکراو لە ناوەندی ئامار و بەڵگەنامەکانی رێکخراوی مافی مرۆڤی هەنگاو، لە ماوەی مانگی ئەیلولی 2020دا لانیکەم 12 هاوڵاتیی کورد کۆتاییان بە ژیانی خۆیان هێناوە.

بەپێی ئەو راپۆرتە، لەو ماوەیەدا 6 پیاو و 6 ژن کۆتاییان بە ژیانی خۆیان هێناوە کە تەمەنی پێنج کەسیان (4 کچ و کوڕێک) خوار ١٨ ساڵ بووە، هۆکاری زۆربەی خۆکوشتنەکانی کێشەی خێزانی و کێشەی ئابووری بووە.

جیاکردنەوە بە پێی پارێزگاکان
پارێزگای ئیلام: 3 حاڵەت (2 ژن و 1 پیاو)
پارێزگای کرماشان: 1 حاڵەت (1 پیاو)
پارێزگای سنە: 5 حاڵەت (2 ژن و 3 پیاو)
پارێزگای ئورمیە: 3 حاڵەت (2 ژن و 1 پیاو)

هۆکاری خۆکوشتن
کێشەی خێزانی: 4 حاڵەت (3 ژن و 1 پیاو)
هەژاری و بێکاری: 7 حاڵەت (2 ژن و 5 پیاو)
وەرنەگرتن لە زانکۆ: 1 حاڵەت (1 ژن)

جۆری خۆکوشتن
خۆهەڵواسین: 10 حاڵەت (5 ژن و 5 پیاو)
خواردنی حەب: 1 حاڵەت (1 پیاو)
خۆفڕێدانە خواروە لە سەر بان: 1 حاڵەت (1ژن).

س.س