کوردستانی
ئیدارەی گەرمیان ژمارەیەک بڕیاری نوێی دەرکرد
مەودا میدیا - سلێمانی |
مەودا میدیا-
ئیدارەی گەرمیان ئەمڕۆ چوارشەممە چەند رێنماییەکی نوێی لەبارەی دۆخی تەندروستی ناوچەکە بڵاوکردەوە و چەند بڕیارێکی نوێی تایبەت بە خۆپارێزی لە ڤایرۆسی کۆرۆنا دەرکرد.
ئیدارەی گەرمیان ئەمڕۆ چوارشەممە چەند رێنماییەکی نوێی لەبارەی دۆخی تەندروستی ناوچەکە بڵاوکردەوە و چەند بڕیارێکی نوێی تایبەت بە خۆپارێزی لە ڤایرۆسی کۆرۆنا دەرکرد.
بڕیارەکان:
1- جەختکردنەوە لە خۆپارێزی تەواو، بە جۆرێک پابەندکردنی ھاوڵاتیان لە شوێنە گشتیەکان و تەواوی فەرمانبەران و کارمەندان لە فەرمانگە حکومیەکان بە بەکارھێنانی دەمامک و رەچاوکردنی دووری نێوانیان.
2- ھەڵمەتی ھۆشیاری بەرفراوان لە رێگەی دەزگاکانی راگەیاندن و رێکخراوەکانی کۆمەڵی مەدەنی و مامۆستایانی ئایینی ئەنجامبدرێت بۆ خۆپارێزی لەلایەن ھاوڵاتییانەوە.
3- بڕیاردرا لیژنە تایبەتمەندەکان گەڕان و چاودێرییەکانیان چڕبکەنەوە و رێکارەکانی خۆپارێزی لە بازاڕ و تەواوی شوێنکارەکان لەلایەن کاسبکاران و خاوەنکارەکانەوە بگیرێتەبەر.
4- چاودێریکردنی ناوەندەکانی خوێندن و باخچەی ساوایان و قوتابخانە ئەھلیەکان و پابەنکردنیان بە گرتنەبەری رێکارەکانی خۆپارێزی.
5- گرتنەبەری رێکاری خۆپارێزی لە مزگەوتەکاندا بە جۆرێک موسڵمانان پابەندبن بە خۆپارێزی.
6- جەختکردنەوە لە رێگەنەدان بە دانانی پرسە و ئەو بۆنە کۆمەڵایەتیانەی قەرەباڵغی دروستدەکات.
س.س
س.س
بیروڕا
