مەودا میدیا - کاروان نوری

ئەو کەسانەی زۆر ئاو دەخۆنەوە، جەستەیەکی تەندروستیان هەیە، بەڵام خواردنەوەی ئاو لە کاتی بەیانییان و بە دڵ و گەدەی بەتاڵ، کاریگەریی تەندروستیی باشتری هەیە.

بەگوێرەی زانیاریی پزیشکان، ئاو خواردنەوەی بەیانییان کاریگەریی هەیە لەسەر کەمکردنی کێشی جەستە، پێستی دەموچاو روون دەکات، بۆ گورچیلەکان بەسوودە و پاکیان دەکاتەوە.

بەپێی ئەنجامی ئەو توێژینەوانەی بڵاوکراوەتەوە، خواردنەوەی ئاو ریخۆڵە و جەستەش لە مەوادی ژەهراوی پاک دەکاتەوە و خوێنی تازەش لە جەستەدا دروست دەکات.