مەودا میدیا-

پۆلیسی راپەڕین دەستگیرکردنی سێ کەسی راگەیاند لە شاری رانیە کە تۆمەتبارن بە تەقەڪردن لە خەڵك و تێڪدانی ئارامی و ئاسایشی ناوچەکە، لەکاتی لێکۆڵینەوەدا دانیان بە تاوانەکانیاندا ناوە.

لە راگەیەندراوێکدا پۆلیسی راپەڕیندا هاتووە "لە درێژەی ڪاروچالاڪیەڪانی بەڕێوەبەرایەتی پۆلیسی ڕاپەڕین/ بنڪەی پۆلیسی ڪێوەڕەش بەهاوڪاری یاریدەدەرێتی ئاسایشی ڕانیە دوای وەرگرتنی فەرمانی دادوەر توانیان باندێڪی سێ ڪەسی دەستگیر بڪەن"،  بەناوەڪانی:

- (د. ک. ع) تەمەن 18 ساڵ لە رەگەزی نێر پیشە/کاسب)
- (ک. أ. م) تەمەن 19 ساڵ لە رەگەزی نێر پیشە/کاسب) 
- (هە. م ) تەمەن 19 ساڵ لە رەگەزی نێر پیشە/کاسب) ڪە تاوانبارن بە تەقەڪردن لە خەڵك و تێڪدانی ئارامی و ئاسایش.

ئاماژە بەوەشکراوە "دوای لێڪۆڵینەوە لەگەڵیان لەبەردەم دادوەر دانیناوە بە تاوانەڪانیاندا پەڕاوی لێڪۆڵێنەوە بۆ ڕێڪخراو بە بڕیاری دادوەر بەپێی ماددەی 432 لە یاسای سزادانی عیراقی تۆمەتبارڪان راگیراون و لێڪۆڵینەوە لە لەگەڵیان بەردەوامە".

س.س