مەودا میدیا-

وەزارەتی کارەبای حکومەتی هەرێمی کوردستان رایدەگەیەنێت بڕی زیاتر لە 288 ملیۆن دینار پرۆژەیەكی ستراتیژیی گواستنه‌وه‌ى وزه‌ى كارەبا جێبەجێدەكرێت، ئاماژە بەوەشدەکات پرۆژەکە لەسەر بودجەی داهاتی كارەبای بەڕێوەبەرایەتیی گشتیی كارەبای سلێمانی و بەپێی گرێبەستێك كە لەگەڵ كۆمپانیایەك ئەنجامدراوە.

 

لە راگەیێندراوێکدا وەزارەتی کارەبای حکومەتی هەرێمی کوردستان رایگەیاند "به‌مه‌به‌ستی به‌رزكردنه‌وه‌ى تواناى هێڵه‌كانى گواستنه‌وه‌ى وزه‌ى كاره‌باى سلێمانىو  سوود وه‌رگرتن له‌ وێستگه‌ى 400 كه‌یڤى بازیان، به ‌سه‌رپه‌رشتیی به‌ڕێوه‌به‌رایه‌تیی گواستنه‌وه‌ى وزه‌ى كاره‌بای سلێمانی، بە بڕی 288 ملیۆن و 175 هەزار دینار پرۆژەیەكی كارەبا جێبەجێدەكرێت".

 

ئاماژە بەوەشکراوە "پرۆژەکە لەسەر بودجەی داهاتی كارەبای بەڕێوەبەرایەتیی گشتیی كارەبای سلێمانی و بەپێی گرێبەستێك كە لەگەڵ كۆمپانیایەك ئەنجامدراوە له ‌سنووری ناو شاری سلێمانی پرۆژەیەكی كاره‌با جێبەجێدەكرێت، كه‌ بریتییه‌ لە جیاكردنه‌وه‌ى هێڵه‌كانى 132 كه‌ى ڤیی چه‌مچه‌ماڵ، غازى - كه‌لار كفرى له‌ هێڵى 132 كه‌ى ڤیی چه‌مچه‌ماڵ، غازى تانجه‌رۆ و به‌ستنه‌وه‌ى به‌ باسباڕى وێستگه‌ى 400 كه‌ى ڤى".

س.س