مەودا میدیا-

ئەمڕۆ هەردوو مەکتەبی سیاسیی یەکێتیی نیشتیمانیی کوردستان و پارتی دیموکراتی کوردستان لە شاری هەولێر بە ئامادەبوونی نێچیرڤان بارزانی، سەرۆکی هەرێمی کوردستان کۆدەبنەوە.

بەپێی زانیارییەکانی مەودا میدیا، ئەمڕۆ دووشەممە  هەردوو مەکتەبی سیاسیی یەکێتیی نیشتیمانیی کوردستان و پارتی دیموکراتی کوردستان لە شاری هەولێر لە بینای سەرۆکایەتیی هەرێم بە ئامادەبوونی نێچیرڤان بارزانی، سەرۆکی هەرێمی کوردستان کۆدەبنەوە.

هەر بە بەپێی زانیارییەکانی مەودا میدیا، شاندی یەکێتی بە سەرۆکایەتی بافڵ تاڵەبانی، هاوسەرۆکی یەکێتی و شاندی پارتی دیموکراتی کوردستانیش بە سەرۆکایەتی هۆشیار زێباری، ئەندامی مەکتەبی سیاسیی پارتی دەبێت، هەروەها لە کۆبوونەوەکەدا تاوتوێی پرسە گرنگەکان و دۆخی ئێستای هەرێم و نەبوونی مووچە و پەیوەندییەکانی نێوانیانن دەکرێت.

س.س