مەودا میدیا – کاروان نوری

هه‌ڵمه‌تی چاندنی 22 هه‌زار نه‌مام له‌چوارچێوه‌ی سه‌وزكردنی چیای گۆیژه‌ ده‌ستیپێكرد و قایمقامی سلێمانیش ئاماژە بۆ ئەوە دەکات، كاریگه‌ری ئه‌م هه‌ڵمه‌ته‌ له‌ماوه‌ی چه‌ند ساڵی داهاتوودا زۆر به‌ روونی دەردەکەوێت.

ئاوات محه‌مه‌د، قایمقامی سلێمانی لە کۆنفرانسێکی رۆژنامەوانیدا رایگەیاند "ئەمڕۆ پێنجشەممە (19-11-2020) قۆناغی دووه‌می سه‌وزكردنی چیای گۆیژه ‌دەستیپێکرد و تێیدا 22 هەزار نەمام دەنێژرێت".

ئەوەشی خستەڕوو "سوپاسی هه‌موو ئه‌و لایەنانە ده‌كه‌م كه‌ به‌شدارن له‌هه‌ڵمه‌ته‌كه، ئێمه‌ به‌رده‌وام ده‌بین له‌سه‌وزكردنی چیای گۆیژه‌ و كاریگه‌ری ئه‌م هه‌ڵمه‌ته‌ له‌ماوه‌ی چه‌ند ساڵی داهاتوودا زۆر به‌ روونی له‌سه‌ر پارێزگای سلێمانی ده‌رده‌كه‌وێت‌".

ک.ن