مەودا میدیا-

بەڕێوەبەرایەتی ئاسایشی رۆژئاوای سلێمانی رایدەگەیەنێت لە قەزای چەمچەماڵ سێ کەسیان بە تۆمەتی تەقەی هەڕەمەکی دەستگیرکردوو، ئاماژە بەوەشکراوە دوو دەمانچە و یەک کڵاشینکۆف و ئۆتۆمبێلێک دەستی بەسەردا گیراوە.

لە راگەیەندراوێکدا بەڕێوەبەرایەتی ئاسایشی رۆژئاوای سلێمانی رایگەیاند "لە چوارچێوەی هەوڵەکانماندا توانیومانە سێ کەس بەناوەکانی (س، ف، ع) (گ، ن، م) (چ، ش، ح) لە نزیک زانکۆی چەرمۆ لە قەزای چەمچەماڵ کە تەقەی هەڕەمەکیان کردبوو دەستگیر بکەین".

ئاماژە بەوەشکراوە "دوو دەمانچە و یەک کڵاشینکۆف و ئۆتۆمبێلێکی جۆری قەمەرە (ئۆپترا)ی تەقەکەرەکان دەستی بەسەرداگیراوە، هەروەها تۆمەتباران دانیشتووی قەزای چەمچەماڵن و لە ئێستادا بە فەرمانی دادوەری دادگای لێکۆڵینەوە راگیراون".

س.س