مەودا میدیا-

هاوسەرۆکی پێشووی پارتی هەرێمە دیموکراتییەکان "دەبەپە" لە زیندانەوە مانگرتنی لە خواردن راگەیاند و دەڵێت بیبەنە ئیمراڵی و لەگەڵ عەبدوڵڵا ئۆجەلان، رێبەری زیندانیكراوی پارتی كرێكارانی كوردستان "پەكەكە" زیندانی بكەن.

سەباحەت تونجەل، هاوسەرۆکی پێشووی پارتی هەرێمە دیموکراتییەکان "دەبەپە" كە ماوەی چوار ساڵە لەلایەن حكومەتی توركیا زیندانیكراوە رایگەیاند "دەست بە مانگرتن لە خورادن دەكەم و ستەمی تورك رەتدەكەمەوە".

هاوسەرۆکی پێشووی پارتی هەرێمە دیموکراتییەکان "دەبەپە" داوا لە دەسەڵاتدارانی توركیا دەكات، بیگوێزنەوە بۆ زیندانی ئیمراڵی و لەگەڵ عەبدوڵڵا ئۆجەلان، سەرۆكی زیندانیكراوی پارتی كرێكارانی كوردستان زیندانی بكەن.

بەگوێرەی راگەیاندنەكانی نزیك لە پارتی كرێكارانی كوردستان كە هەواڵەكەیان گواستووەتەوە "سەباح تونجەل دژی گۆشەگیركردنی عەبدوڵڵا ئۆجەلان و ستەمی تورك" مانگرتنی لە خواردن راگەیاندووە.