مەودا میدیا-

سەرۆک وەزیران عیراق رایدەگەیەنێت، پرۆژه‌یاسای بودجه‌ كاریگه‌ری له‌سه‌ر مووچه‌ی فه‌رمانبه‌ران نابێت باس لەوەش دەکات مووچە لە کاتی خۆیدا دابەش دەکرێت.

دوای پەسەندکردنی بودجەی ساڵی 2021، مسته‌فا كازمی، سه‌رۆك وه‌زیرانی عیراق لە کۆنگرەیەکی رۆژنامەوانیدا وتی "پرۆژه‌یاسای بودجه‌ی 2021 كاریگه‌ری له‌سه‌ر مووچه‌ی فه‌رمانبه‌رانی عیراق نابێت و مانگانە لە کاتی خۆیدا دابەش دەکرێت" .

کازمی وتیشی "لە پڕۆژەیاسای بودجەى ساڵی داهاتوو مووچە و دەرماڵەی پلە باڵاکان کەم دەکرێتەوە نەک چینەکانیتر" و کازمی ئاماژەی بەوەشکرد " تورکیا ئامادەیە بە بڕی پێنج ملیار دۆلار هاوکاری دارایی عیراق بکات".

هاوکات لە رەشنوسی بودجەی 2021 دا لە 40% مووچەی ھەرسێ سەرۆکایەتێکەی عێراق کەمکراوەتەووە و لە 39% موچەی پەرلەمانتار و وەزیرەکان کەمکراوەتەوە.