مەودا میدیا- سازگار ئەحمەد

پێشنیوەڕۆی ئەمڕۆ فڕۆکە جەنگییەکانی تورکیا بۆردوومانی گەلیی بازێی لە سنووری ناحیەی کانی ماسێی سەر بە قەزای ئامێدی پارێزگای دهۆکیان کرد، بەڵام تەنیا زیانی مادی هەبووە و هیچ زیانێکی گیانی نەبووە.

سەربەست سەبرى، بەڕێوەبەرى ناحیەى کانى ماسێ بە مەودا میدیای راگەیاند "پێشنیوەڕۆی ئەمڕۆ یەکشەممە 10ی کانونی دووەمی 2021 کاتژمێر 11:20خولەک فرۆکە جەنگییەکانی تورکیا بۆردوومانی گەلیی بازێی لە سنووری ناحیەی کانی ماسێی سەر بە قەزای ئامێدی پارێزگای دهۆکیان کرد".

ئاماژەی بەوەشکرد "بۆردوومانەکە تەنیا زیانی مادی هەبووە و هیچ زیانێکی گیانی لێنەکەوتووەتەوە، هەروەها لە ئێستاشدا بۆردوومانەکە کۆتایی هاتووە دۆخی ناوچە ئارام بووەتەوە".

س.س