مەودا میدیا-

لە باكووری كوردستان مەڕێك، بەرخێكی شەش قاچی دەبێت و ئەوەش بووەتە جێگەی پرسیار و سەرسوڕمان لای خەڵكانی دەوروبەری خاوەن مەڕەكە.

ئاژانسی ئەنادۆڵۆ لە هەواڵێكدا بڵاویكردووەتەوە "لە شارۆچکەی چناری سەر بە پارێزگای دیاربەکر، بەرخێك کە شەش قاچی ھەیە، ئەو کەسانە تووشی سەرسووڕمان دەکات کە دەیبینن".

بەپێی هەواڵی ئاژانسە توركییەكە "لە گەڕەکی دوزۆڤا لە شارۆچکەکە، یەکێک لە مەڕەکانی ئاژەڵدار مەقسود بوڵوت، لەکاتی زاینیدا، بەرخێکی شەش قاچی بووە".

ئەنادۆڵو نووسیویەتی "ھەر کەسێک بەرخە شەش قاچەکە دەبینێت تووشی سەرسووڕمان دەبێت و بەرخەكە بووەتە جێگەی بایەخی دانیشتوانی گەڕەکەکە".

خ.غ