مەودا میدیا-

جێگری سەرۆکی ئەنجومەنی نوێنەرانی عیراق لەبارەی رێککەوتنی هەولێر و بەغدا رایگەیاند گرنگترین بنەما کە ببێتە دەروازەیەک بۆ چارەسەرکردنی ناکۆکییەکان پابەندبوونی ھەمووانە بە دەستوورەوە و باسی لەوەش کردووە  نزیکبوونەوەی زۆر لەنێوان ھەرێم و بەغدا ھەیە لەسەر پرۆژە یاسای بودجە.

د. بەشیر حەداد، جێگری سەرۆکی ئەنجومەنی نوێنەرانی عیراق لە لێدوانێکی رۆژنامەوانیدا رایگەیاندووە "گفتوگۆکانی نێوان وەفدی دانوستانکاری ھەرێم  و لیژنەی دارایی ئەنجومەنی نوێنەران شەفاف و راشکاوانە بووە و لە دید و بۆچوونەکانی نێوان ھەرێم و بەغدا نزیکبوونەوەیەکی زۆر ھاتووەتەدی".

حەداد دەڵێت "ھەرێمی کوردستان سەرجەم  داتا و زانیارییەکانی پێشکەش بە حکومەتی فیدراڵ کردووە و کۆبوونەوەیەکی سەرکەوتووش لەنێوان دیوانی چاودێری دارایی حکومەتی فیدراڵ و دیوانی چاودێری دارایی ھەرێم بەڕێوەچووە".

ک. ر