مەودا میدیا-

به‌ڕێوه‌به‌رى ته‌ندروستیی ناوچه‌ى كه‌رخى به‌غدا رایگەیاندووە 10 ده‌وڵه‌تى جیهان كۆنترۆڵى 70%ى ڤاكسینى جیهانیان كردووە ڤاكسینه‌كانى كۆرۆنا 100% مرۆڤ ناپارێزن.

عه‌بدولغه‌نى ساعدى، به‌ڕێوه‌به‌رى ته‌ندروستیی ناوچه‌ى كه‌رخى به‌غدا بۆ رۆژنامه‌ى سه‌باحى عیراقی دەڵێت" دابه‌شكردنى ڤاكسین به‌شێوه‌یه‌كى یه‌كسان و دادپه‌روه‌رانه‌ نییه‌، 10 ده‌وڵه‌تى جیهان كۆنترۆڵى 70%ى ڤاكسینى جیهانیان كردوه‌"،  دەشڵێت "له‌كاتێكدا 130 ده‌وڵه‌تى ترى جیهان له‌نێویاندا عیراق ڤاكسینى به‌ده‌ست نه‌گه‌یشتووه‌"

به‌ڕێوه‌به‌رى ته‌ندروستىیی ناوچه‌ى كه‌رخى به‌غدا ئاماژە بەوەش دەکات "دواى وه‌رگرتنى ڤاكسین له‌ داهاتوودا به‌رده‌وامبن له‌ به‌ستنى ده‌مامك، چونكه‌ ڤاكسین 100% مرۆڤ ناپارێزێت، كاریگه‌رى ڤاكسینه‌كان 70% بۆ 90%ن و ئه‌و 10%ى ده‌مێنێته‌وه‌ مرۆڤ دەکەوێتە سەرخۆی".

ک.ر