مەودا میدیا-

مانگی پێشوو ئاشنا فەلاح، بەڕێوەبەری پەیمانگای ئاشنا لە سلێمانی و فەرمانبەری زانكۆیی لەبەشی كارگێڕی، لە میانەی بەشداریکردن لە بەرنامەیەکی تەلەفزیۆنیدا دەڵێت "هەموو ساڵێک لە قۆناغی دووەمی ناوەندییەوە قۆپیەم کردووە لە هەموو تاقیکردنەوەیەک، هەموو جۆرە قۆپییەک و داهێنانیشم کردووە لە قۆپیەکردن"و ئەندامێکی پەرلەمانی کوردستان لە بارەی پیکهێنانی دوو لیژنە لەسەر قسکانی زانیاری دەدات بە مەودا میدیا.

موسلیم عەبدوڵڵا، ئەندامی لیژنه‌ى په‌روه‌رده‌ و خوێندنى باڵا و توێژینەوەی زانستی لە پەرلەمانی کوردستان لەبەرەی ئەو قسانەی ئاشنا فەلاح کردوویەتی بە مەودا  میدیا وت "داوامان لە وەزارەتی خویندنی باڵا و پەروەردی حکومەتی هەریمی کوردستان کردووە وردبینی لەسەر قسەکانی بکرێت و دوو لیژنەیان لەسەر پیکهێناوە لەو دوو وەزارەتە".

ئەو ئەندامەی پەرلەمان وتیشی "داوامان کردووە لیکۆڵینەوەی ورد لە قسەکانیدا بکریت و تا ئەم جۆرە قسانە ئاسان بەسەریدا تێنەپەڕیت و تاوەکو نەبێتە رێخۆشکەر بۆ کەسانی دیکە".

موسلیم عەبدوڵڵا بۆ مەودا میدیا ئاماژەی بەوەش کرد "لیژنەکەی ئێمە جاوەڕێ وەڵامی ئەو دوو لیژنە وزارییەن و بەدواداچوون دەکەین".

ک. ر