مەودا میدیا-

تەقینەوەیەکی بەهێز بەغدای پایتەختی عیراقی هەژاند لە ئەنجامی تەقینەوەکە چوار کەس گیانیان لەدەستدا و زیاتر لە 10 کەس دیکەش برینداربوون، بەپێی زانیارییەکان تەقینەوەکە بەهۆی بۆمبێکی لێکنراوەوە بووە.

بەپێی ئەو هەواڵانەی میدیا عیراقییەکان بڵاویانکردووەتەوە، پاشنیوەڕۆی ئەمڕۆ پێنجشەممە 15ی نیسانی 2021 تەقینەوەیەکی بەهێز لە ناوچەی حەبیبیەی رۆژهەڵاتی بەغدا روویدا، لە ئەنجامدا چوار کەس گیانیان لەدەستدا و زیاتر لە 10 کەس دیکەش برینداربوون

هەربەپێی ئەو زانیاریانەی کە میدیا عیراقییەکان بڵاویانکردووەتەوە، تەقینەوەکە بەهۆی بۆمبێکی لێکندراوەوە بووە بە ئۆتۆمبێلێکەوە، هەر بەهۆی تەقینەوەکەوە سێ ئۆتۆمبێل سووتاون.

س.س