مەودا میدیا-

ئەمشەو یەکشەممە 25ی نیسانی 2021، لە شەقامی سەهۆڵەکەی شاری سلێمانی بەتۆمەتی ئەنجامدانی خۆپیشاندان ژمارەیەک گەنج دەستگیرکران.

پەیامنێری سلێمانی مەودا میدیا رایگەیاند، "ئەمشەو لە شەقامی سالم سەهۆڵەکە، چەند گەنجێک دەستگیرکران کە دەوترێت نزیک بوون لە پەکەکە و بەنیازی ئەنجامدانی خۆپیشاندان بوون دژ بە هێرشی تورکیا".

راشیگەیاند "پێش ئەنجامدانی خۆپیشاندانەکە ئەو گەنجانە لەلایەن ئاسایشەوە دەستگیرکران".

ئەمڕۆ لە چەند قۆڵێکەوە سوپای تورکیا هێرشیکردە سەر گەریلاکانی پارتی کرێکارانی کوردستان پەکەکە لەنێو خاکی هەرێمی کوردستان، ئەمەش نیگەرانی لێکەوتەوەو بەشێکی هاوڵاتییان دژ بە دەستدرێژییەکانی تورکیا بۆسەر خاکی هەرێمی کوردستان، لە رێگەی سوشیال میدیاوە نارەزایەتییان نیشاندا.

ه.ع