مه‌ودا میدیا-

پاش ئه‌وه‌ى پزیشكێكى شارى هه‌ڵه‌بجه‌ ره‌خنه‌ى له‌ كه‌رتى ته‌ندروستيى شاره‌كه‌ گرت و رایگه‌یاند گه‌نده‌ڵى له‌ كه‌رتى ته‌ندروستى هه‌یه‌، به‌ڕێوه‌به‌رایه‌تیی ته‌ندروستیی هه‌ڵه‌بجه‌ روونكردنه‌وه‌یه‌كى بڵاوكرده‌وه‌ و ئاشكرایكرد ته‌واوى قسه‌كانى ئه‌و پزیشكه‌ دووره‌ له‌ راستییه‌وه‌.

ده‌قى روونكردنه‌وه‌ى به‌ڕێوه‌به‌رایه‌تیی گشتیی ته‌ندروستیی هه‌ڵه‌بجه‌:

ڕونکردنەوەیەک بۆ رای گشتی 

لە چەند رۆژی ڕابردوودا پزیشکێکی میلاکی بەرێوەبەرایەتيی گشتيی تەندروستيی ھەڵەبجە، ھەندێک لێدوان و زانیاری بڵاو کردووەتەوە لە پەیج و ئەکاونت و کەناڵەکانەوە. 

بە ھاوڵاتیيان رادەگەیەنین کە سەرجەمیان دوورن لە راستيیەوە و وەک کاردانەوەیەک ئەیبینین بۆ ھەوڵدان بەمەبەستی چەواشەکردنی رای گشتی و بەلاڕێدانی رێرِەوی لێکۆڵینەوه لەو سکاڵایانەی كە ئێمە كردومانە لە وەزارەتی تەندروستی و دادگای لێکۆڵینەوەی ھەڵەبجە كە دواتر لەسەر داوای پزیشكی شكاتلێكراو سكاڵاكانی گواستراونەتەوە بۆ دادگاكانی هەولێر.

ئێستا لیژنەکان بە ئەندام بوونی داواكاری گشتی لە لێکۆلینەوەدان و لە ئایندەیەکی نزیکدا ئەنجامی سکاڵاکان و راستیيەکان بۆ رای گشتی بڵاو دەکەینەوە.

بەرێوبەرایەتيی گشتيی تەندروستيی هەڵەبجە

هـ.ع