مەودا میدیا-

وتەبێژی حکومەتی هەرێمی کوردستان  رایدەگەیەنێت هەرسێ رۆژی جەژن کەرەنتینەی گشتی دەبێت لە سەرتاسەری هەرێمی کوردستان.

جوتیار عادل، وتەبێژی حکومەتی هەرێمی کوردستان لە کۆنگرەیەکی رۆژنامەوانیدا رایگەیاند "هەرسێ رۆژی جەژن کەرەنتینەی گشتی دەبێت لە سەرتاسەری هەرێمی کوردستان، ئەم بڕیارە لەپێناو سەلامەتی گیانی هاوڵاتییانە".

ئاماژەی بەوەشکرد "هەڵسەنگاندنی دۆخی تەندروستی و خوێندن لە هەرێمی کوردستان و بەپێی بڕیارەکان شێوازی خوێندن وەک خۆی و بەهەمان میکانیزمی ئێستا بەردەوام دەبێت و حکومەت دەستکراوە دەبێت بۆ پاراستن و نەفەوتانی ئەمساڵی خوێندن هەر رێکارێک بگرێتەبەر، هەموو رێکارێک دەگیرێتەبەر و لەپێناو بەردەوامکردنی پرۆسەی پەروەردە بە داخستنی شوێنە گشتییەکانیشەوە".

س.س