مەودا میدیا-

 

گەریلاکانی هەپەگە لە بەرزاییەکانی هەرێمی کوردستان 110 چالاکی زەمینیی سەربازییان دژی سوپای تورکیا ئەنجامداوە و 158 سەربازی تورکیا کوژراون.

 

ناوەندی چاپەمەنی هەپەگە لە راگەیەندراوێکدا بڵاویکردەوە لەماوەی 9 رۆژی رابردووی شەڕ و پێکدادانییان لەگەڵ سوپای تورکیادا، 110 چالاکیی زەمینییان ئەنجامداوە و 158 سەربازی تورکیا کوژراون، هەروەها 44 گەریلا کوژراون و ژمارەیەکی دیکەش برینداربوون.

 

لە راگەیەندراوەکەدا ئاماژە بەوەشکراوە سوپای تورکیا تۆپبارانی چەند ناوچەیەکی کردووە و پاش ئەوە ویستوویەتی هێرشی زەمینی ئەنجامدات، بەڵام لەلایەن هەپەگە و گەریلاکانیانەوە وەڵامدراوەنەتەوە.

 

ماوەی چەند رۆژێکە لە بەرزاییەکانی هەرێمی کوردستان شەڕ و پێکدادان لەنێوان هێزەکانی پەکەکە و سوپای تورکیادا دەستیپێکردووە و تا ئێستاش بەردەوامە، بەشێک لە چاودێرانیش سەبارەت بە بەزاندنی سنوورەکانی هەرێمی کوردستیان نیگەرانن.