مەودا میدیا-

 

بەهۆی راگەیاندنی بڕیاری قەدەغەی هاتووچۆی ئۆتۆمبێل و پیادە لەلایەن وەزارەتی ناوخۆی هەرێمی کوردستان و لیژنەی رووبەڕووبونەوەی ڤایرۆسی کۆرۆنا، هاوڵاتییان کەمتر سەردانی بازاڕ دەکەن، کاسبکاران نیگەرانن.

 

ژمارەیەک لە کاسبکارانی ناوبازاڕی سلێمانی لەڕێگەی مەودا میدیاوە رەخنە لە بڕیارەکەی حکومەت دەگرن سەبارەت بە قەدەغەی هاتووچۆ لە رۆژانی جەژندا و رایدەگەیەنن "بڕیارەکەی وەزارەتی ناوخۆ زیانێکی زۆری بە بازاڕ گەیاندووە و هاوڵاتییان کەمتر سەردانی بازاڕدەکەن و کەلوپەل دەکڕن، بەهۆی ئەوەی سێ رۆژی جەژن قەدەغەی هاتووچۆ دەبێت".

 

ئاماژە بەوەشدەکەن "حکومەت لەڕێگەی نەدانی مووچەوە جموجۆڵی بازاڕی کەمکردووەتەوە، بەڵام تا رادەیەک جەژنەکان بازاڕ جموجۆڵی تێدابوو، بەڵام بەهۆی قەدەغەی هاتووچۆوە لە ئێستادا دۆخی بازاڕ تەواو سست بووە، ئەو کەلوپەلانەی بەمەبەستی جەژن هاوردەکراون دەبێتە زیانێکی مادی زۆر بۆ دووکاندارەکان".

پ.ح