مەودا میدیا-

وەزیری دارایی و ئابووری حکومەتی عیراق لە ئەگەری سووربوون بە لێپرسینەوەی لەلایەن ئەندامانی ئەنجومەنی نوێنەرانی عیراق و ئامادەبوونی لە هۆڵی پەرلەمان، دەست لەکاردەکێشێتەوە، بانگهێشتکردنی وەزیری دارایی و وەزیرەکانی دیکە بۆ لێپرسینەوە بەهۆی نەبوونی رێژەی یاسایی ئەنجومەنی نوێنەرانەوە ئەنجامنەدراوە و دواکەوتووە.

ئەحمەد سەفار، بڕیاردەری لیژنەی دارایی لە ئەنجومەنی نوێنەرانی عیراق بە میدیاکانی عیراقی راگەیاندووە، "عەلی عەلاویی، وەزیری دارایی دەست لەكاردەكێشێتەوە و نایەتە پەرلەمان، تا لێپرسینەوەی لەگەڵ بكرێت، سەرۆکایەتیی پەرلەمان وادەی لێپرسینەوەی لە وەزیری دارایی دیاریکردبوو بەڵام دواتر بڕیارەکەی راگرت".

ئاماژەی بەوەشکردووە، "لێپرسینەوە لەگەڵ وەزیری دارایی و وەزیرەكانی دیكە لەئێستادا بەهۆی نەبوونی رێژەی یاسایی ئەنجومەنی نوێنەرانەوە دواکەوتووە و نەکراوە".

پ.ح