مەودا میدیا-

باڵوێزی كۆماری ئیسلامیی ئێران لە عیراق سەبارەت بە هەڵوەشاندنەوەی ڤیزای نێوان عیراق و ئێران ئاماژە بەوەدەکات چاوەڕوانی ڕەزامەندیی عێراقین بۆ ھەڵوەشاندنەوەی ڤیزای نێوان ھەردووك وڵات.

ئیرەج مەسجیدی، باڵوێزی ئێران لە عیراق رایگەیاند "پرسی ھەڵوەشاندنەوەی ڤیزا تەنیا بۆ چلەی حوسەینی بەرتەسك ناكرێتەوە، ھەنگاوی پێویست لەلایەن ئێرانەوە ھەڵگیراوەو چاوەڕوانی رەزامەندیی لایەنی عیراقین بۆ ھەڵگیرانی ڤیزا".

باڵوێزی ئێران لە عیراق ئەوەشی خستەڕوو "بۆ ھەڵوەشاندنەوەی ڤیزا لەگەڵ دەوڵەتی عیراق وتوێژمان كردووە و لێژنەیەكی ھاوبەشیش پێكھاتووە و باسی زۆر لە كۆبوونەوە ھاوبەشەكاندا كراوە كە ئەو كۆبوونەوانە لێك گەییشتننامەیەكیان لێ كەوتەوە كە خەریكە رێك و پێك دەكرێت و بە واژۆكرانی لە لایەن عیراقەوە لەم پەیوەندییەدا خەڵك ئاگادار دەكەینەوە".

س.س