مەودا میدیا- 

وەزارەتی ناوخۆی عیراق دەستگیرکردنی تۆمەتبارێکی راگەیاند لە پارێزگای بەسرە بە تۆمەتی سوتاندنی برا و براژن و منداڵەکەیان بە مادەی تێزاب کە بە هۆیەوە جەستەیان سوتاوە.

بەپێی هەواڵی میدیا عیراقییەکان، وه‌زاره‌تی ناوخۆی عیراق رایگەیاندووە "پۆلیسی به‌سڕه‌، تۆمه‌تبارێكیان ده‌ستگیر كردووه‌، هه‌ستاوه‌ به‌ سووتاندنی برا و براژن و منداڵه‌ نۆ مانگانه‌كه‌یان و بۆ ئه‌و كاره‌ش ماده‌ی تێزابی به‌كارهێناوه‌، به‌ هۆی تێزابه‌كه‌وه‌، به‌شێكی زۆری جه‌سته‌یان سووتاوه‌ و رەوانه‌ی نه‌خۆشخانه‌ كراون".

وەک لە بەیاننامەکەدا ئاماژەی پێکراوە، ئەو تۆمەتبارە لە 4ی ئایاری 2021 تاوانەکەی ئەنجامداوە، لەئێستادا تۆمەتبارەکە کە خوشکی پیاوەکەیە رادەستی دادگا کراوە بە مەبەستی دیاریکردنی سزاکەی.

س.س