مەودا میدیا-

ئەندامێکی پەرلەمانی کوردستان ئاشکرایکرد "بەداخەوە ئەمڕۆش رێگریم لێکرا بەشداری دانیشتنەکەی پەرلەمانی کوردستان بم، دەبێت سەرۆکی پەرلەمان و جێگرەکەی داوای لێبوردن لە خەڵک بکەن، با لە کۆبوونەوەی داهاتوو خۆیان بێن و راستەوخۆ پێم بڵین مەیە ژوورەوە، ئەوکات من پێیان دەڵێم کە کێ بۆی نییە بچێتە ژوورەوە، من نوێنەری 200 هەزار دەنگم".

سەبارەت بەوەی بۆ جاری هەشتەم رێگری لێکرا بەشدای دانیشتنەکانی پەرلەمان ببێت کازم فاروق، ئەندامی پەرلەمانی کوردستان بە مەودا میدیای راگەیاند "ئێمە بەهیچ جۆرێک داوای لێبوردن لە کەسانێک ناکەین کە دزیان لە خەڵک کردووە و مووچەی خەڵکیان بڕیوە، بەداخەوە ئەمڕۆش رێگریم لێکرا بەشداری دانیشتنەکەی پەرلەمانی کوردستان بم، من وەک کازم فاروق لە پەرلەمان نیم، بەڵکو من نوێنەری 200 هەزار دەنگم".

ئاماژەی بەوەشکرد "با لە دانیشتنی داهاتوو سەرۆکی پەرلەمان و جێگرەکەی خۆیان بێن رێگریم لێبکەن و بلێن مەیە ژوورەوە، ئەوکات من پێیان دەڵێم کە کێ بۆی نییە بچێتە پەرلەمانی کوردستان".

پ.ح