مەودا میدیا- 

ئێوارەی ئەمڕۆ لە رووداوێکی هاتوچۆدا له‌ شه‌قامی شه‌هیدانی ناحیه‌ی حاجیاوای سەر بە ئیدارەی راپەڕین کەسێك گیانی لەدەستدا و کەسێكی دیکەش برینداربوو.

به‌ڕێوه‌به‌رایه‌تی هاتوچۆی ئیداره‌ی راپه‌ڕین رایگەیاند "ئێوارەی ئەمڕۆ دووشەممە 28ی حوزەیرانی 2021 كاتژمێر 7:00 رووداوێكی هاتوچۆ له‌ شه‌قامی شه‌هیدانی ناحیه‌ی حاجیاوا روویدا له‌نێوان سێ ئۆتۆمبێلی جۆره‌كانی (نیسان، تۆیۆتا، بی ئێم)، له‌ئه‌نجامی رووداوه‌كه‌ش شۆفێری ئۆتۆمبێلی جۆری نیسانەکە گیانی لەدەستدا و شۆفێری ئۆتۆمبێلی جۆری تۆیۆتاش برینداربوو".

هاتوچۆی راپه‌ڕین ئاماژەی بەوەشکردووە "هێڵكاری بۆ رووداوه‌كه‌ كراوه‌  و هۆكاری سه‌ره‌كی بۆ پابه‌ندنه‌بونی شۆفێران به‌ یاساكانی هاتوچۆ ده‌گه‌ڕێته‌وه‌".

س.س