مەودا میدیا-

كۆمسیۆنی باڵای هه‌ڵبژاردنه‌كانی عیراق بڕی پاره‌ی كارمه‌ندانی سه‌ر سندوقه‌كانی ده‌نگدانی دیاریكرد و ئاماژەی بەوەکرد، بڕی 250 هەزار دینار ده‌درێته‌ ده‌رچووانی زانكۆ و په‌یمانگەکان، هاوکات بڕی 150 هەزار دینار و سوپاسنامەیەک دەدرێتە فەرمانبەرانی حکومەت.

ئەنجومەنی کۆمسیارانی كۆمسیۆنی باڵای هه‌ڵبژاردنه‌كانی عیراق لە راگەیەندراوێکدا بڕی پارەی کارمەندانی سەر سندوقەکانی دیاریکردووە و بۆ دوو توێژی جیاواز دابەشیکردوون، بەمەبەستی ئەنجامدانی هەڵبژاردنەکانی ئەنجومەنی نوێنەرانی عیراق کە بڕیارە لە مانگی تشرینی یەکەمی ئەمساڵ ئەنجامبدرێت.

بەپێی راگەیەندراوەکە بڕی پارەکە بەمشێوەیە، بۆ مامۆستایان و فەرمانبەران بڕی 150 هەزار دینار و سوپاسنامەیەک دیاریکراوە و بڕی 250 هەزاریش بۆ دەرچووانی زانکۆ و پەیمانگەکان تەرخانکراوە.

پ.ح