مەودا میدیا-

حوکمی سێدارەی هاوڵاتییەکی کورد لە بەندیخانەی مەهاباد کە لەسەر بابەتی پەیوەندیدار بە مادەی هۆشبەرەکان ئەو سزایە بە سەردا سەپێندرابوو جێبەجێ کرا.

بەپێی هەواڵێکی بڵاوکراوەی رێکخراوی مافی مرۆڤی هەنگاو، سەرلەبەیانی ئەمڕۆ چوارشەممە 30ی حوزەیرانی 2021 سزای سێدارەی "محەمەد تاهیر سولەیمانی" تەمەن 65 ساڵ و خەڵکی گوندی "دزەی مەرگەوەر" لە بەندیخانەی ناوەندیی مەهاباد جێبەجێ کرا.

بە وتەی سەرچاوەیەکی ئاگادار، محەمەد تاهیر پێشتر لەسەر بابەتی پەیوەندیدار بە مادەی هۆشبەر (هەڵگرتنی 10 کیلۆ مۆڕفین) دەستبەسەر و لەلایەن دەزگای دادوەری ئێرانەوە حوکمی سێدارەی بەسەردا سەپێندرابوو, ناوبراو ماوەی چوار ساڵ بوو کە لە بەندیخانەی مەهاباد راگیرابوو.

س.س