مەودا میدیا-

دوانیوەڕۆی ئەمڕۆ لەلایەن فڕۆکە جەنگییەکانی تورکیاوە چیای شنگال بۆردوومانکرا، لە ئەنجامی بۆردوومانەکەدا ئۆتۆمبێلێکی یەكینەكانی بەرخۆدانی شنگال "یەبەشە" کراوەتە ئامانج.

مەحما خەلیل، قایمقامی شنگال راگەیاند "دوانیوەڕۆی ئەمڕۆ چوارشەممە 30ی حوزەیرانی 2021 فڕۆکە جەنگییەکانی تورکیا دەوروربەری كەمپی سەردەشت لە چیای شنگالیان بۆردوومانکردووە، لە ئەنجامدا ئۆتۆمبێلێك بەر بۆردوومانەكە كەوتووە، هیچ زیانێکی گیانی نەبووە و تەنها زیانی مادی هەبووە".

قایمقامی شنگال ئەوەشی خستووەتەڕوو "هێزە ئەمنییەكان چوونەتە شوێنی بۆردوومانەکە بە مەبەستی لێكۆڵینەوە".

س.س