مەودا میدیا-

فەرمانگەی میدیا و زانیاری رایدەگەیەنێت لەسەر داوای سەرۆکی حکومەتی هەرێمی کوردستان بڕی زیاتر لە چوار ملیۆن دینار بۆ خاوێنکردنەوەی چەند ناوچەیەک تەرخانکراوە.

لە راگەیەندراوێکدا فەرمانگەی میدیا و زانیاری سەر بە حکومەتی هەرێمی کوردستان رایگەیاند"لە درێژەی پێشکەشکردنی پرۆژە خزمەتگوزارییەکانی حکومەتی ھەرێمی کوردستان و لەسەر راسپاردەی مەسرور بارزانی، سەرۆکی حکومەتی ھەرێمی کوردستان بڕی (2,762,760,000) دوو ملیار و حەوت سەد و شەست و دوو ملیۆن و حەوت سەد و شەست ھەزار دینار بۆ وەزارەتی شارەوانی و گەشتوگوزار تەرخان کرا بە مەبەستی خاوێنکردنەوەی قەزای سێمێل و دەوروبەری بۆ ماوەی سێ ساڵ کە رێکەوتی 2023/12/31 دواین وادەیە بۆ جێبەجێکردنی". 

ئاماژەی بەوەشکرد "لە لایەکی دیکەوە بڕی (1,452,012,00) ملیارێک و چوار سەد و پەنجا و دوو ملیۆن و دوازدە ھەزار دینار خەرج کرا بۆ یەک ساڵی خاوێنکردنەوە و ھەڵگرتنی زبڵ و خاشاکی شارەوانی خەبات، سفەیە، شاخۆڵان و کەورگۆسک کە لە رێکەوتی 1/1/2021 دەستپێدەکات تا رێکەوتی 2021/12/31 زایینی، هەروەها هەردوو بڕەکە لەسەر بودجەی وەزارەتی شارەوانی و گەشتوگوزار خەرج دەکرێت".

س.س