مەودا میدیا-

بەڕێوەبەرایەتیی گشتیی گەشتوگوزاری سلێمانی ئاشکرایکرد سەردانی سێ هەزار و 600 شوێنیان کردووە و 126 شوێنی گەشتیاری جیاوازیان داخستووە، هاوکات پسوڵەی سەرپێچییان بۆ 213 خاوەنکار نووسیوە.

بەڕێوەبەرایەتیی گشتیی گەشتوگوزاری سلێمانی لە راگەیەندراوێکدا ئاماژەی بەوەکردووە لە ماوەی شەش مانگی رابردوودی ئەمساڵ لیژنەكانی پشكنینی بەڕێوەبەرایەتیی گشتیی گەشتوگوزاری سلێمانی سەردانی سێ هەزار و 600 خاوەن مۆڵەتی گەشتیاریان لە شاری سلێمانی کردووە و 126 شوێنی جیاوازیان داخستووە .

ئاماژە بەوەشکراوە هاوكات پسوڵەی سەرپێچیان بۆ 213 خاوەنكار تۆماركردووە و 412 خاوەنکاری دیکەش هیچ کەموکوڕییەکیان نەبووە.

پ.ح