مەودا میدیا-

رێکخراوی تەندروستیی جیهانی ئاشکرایکرد بەهۆی ڤایرۆسی کۆرۆناوە جیهان لە قۆناغێکی مەترسیداردایە، بەهۆی ئەوەی ڤایرۆسەکە نەوەی نوێی لێ دەبێتەوە و رێگەی چارەسەرکردن قورس دەکات، دەلتا نەوە نوێکەی کۆرۆنا زۆر بە خێرایی گەشە دەکات و بە زیاتر لە 100 وڵات بڵاوبووەتەوە.

رێکخراوی تەندروستیی جیهانی سەبارەت بە مەترسییەکانی ڤایرۆسی کۆرۆنا رایگەیاند "لەو وڵاتانەی کە هەڵمەتی کوتان تێیاندا لاوازە، دیمەنی کارەستابارانەی نەخۆشخانە قەرەباڵغەکان خەریکە دەبێتە دیاردەیەکی رۆژانە، ڤایرۆسی جۆری دەلتا ترسناکە و بەردەوامە لە پەرەسەندن و بازدان، ئەوەش پێویستی بە هەڵسەنگاندنی بەردەوام و گونجاندنی هۆشیارانەی کاردانەوەی تەندروستیی گشتی هەیە و لەئێستادا زیاتر لە 100 وڵاتی گرتووەتەوە".

 

ئاماژەی بەوەشکردووە "جیهان لە بەردەم قۆناغێکی مەترسیداردایە و ڤایرۆسەکە رۆژ بە رۆژ لە گەشەدایە، دەبێت پابەندی بە رێنماییە تەندروستییەکان زیاد بکرێت و خۆپارێزی توندتر بگیرێتە بەر".

پ.ح