مەودا میدیا-

چەکدارانی رێکخراوی تیرۆرستی داعش درەنگانی شەوی رابردوو هێرشیان کردووە و کوژراو و بریندار هەیە، هێزە ئەمنییەکان و حەشی شەعبی خراونەتە ئامادەباشییەوە لێکۆڵینەوە لە ناوچەی هێرشەکە دەستی پێکردووە.

میدیاکانی عیراق بڵاویانکردەوە درەنگانی شەوی رابردوو چەکدارانی رێکخراوی تیرۆرستی داعش لە قەزای حەدیسە لە سنووری پارێزگای ئەنبار هێرشێکی چەکدارییان لە پێنج قۆڵەوە ئەنجامداوە و چوار هاوڵاتی کوژراون و شەشی دیکەش بریندارن.

ئاماژە بەوەشکراوە سەرجەم هێزە ئەمنییەکانی سوپای عیراق و حەشی شەعبی خراونەتە ئامادەباشییەوە لە ئەگەری ئەنجامدانی هێرشی دووبارە لەلایەن داعشەوە، هاوکات لێکۆڵینەوە لە شوێنی ئەنجامدانی هێرشەکە دەستی پێکردووە.

پ.ح