مەودا میدیا-

بەڕێوەبەرایەتیی گشتیی دابەشكردنی كارەبای قەزای سۆران رایگەیاند بەهۆی بۆردومانی فڕۆكە جەنگییەكانی توركیا کارەبای نیشتمانی چەند گوندێك پچڕا و زیانێکی زۆر گەیشتووە بە تۆڕەکانی گواستنەوەی کارەبا.

بەڕێوەبەرایەتیی گشتیی دابەشكردنی كارەبای قەزای سۆران ئەمڕۆ شەممە 3ی تەمموزی 2021 لە راگەیەندراوێکدا ئاماژەی بەوەكردووە درەنگانی شەوی رابردوو كاتژمێر 11:30 خولەك فڕۆكە جەنگییەكانی توركیا بۆردومانی بناری قەندیلیان كرد، لە ئەنجامدا کارەبای نیشتمانی گوندەکانی زارگەلی، بۆکریسکان و لێوژە لە سنووری ناحیەی وەرتێ پچڕا.

ئاماژە بەوەشکراوە بۆردومانەکانی سوپای تورکیا زەرەر و زیانێکی زۆریان گەیاندووە بە تۆڕی گواستنەوەی کارەبای ناوچەکە.

پ.ح