مەودا میدیا-

وەزیری پەروەردەی حكومەتی هەرێمی كوردستان رایگەیاند كۆتایی ئەم هەفتەیە ئەنجامی تاقیكردنەوە نیشتمانییەكان ئاشكرا دەكرێت، ساڵانە تاقیکردنەوەی نیشتمانی پاش تاقیکردنەوەی پۆلە ناکۆتاکان ئەنجامدەدرا، بەڵام ئەمساڵ هاوکات لەگەڵ پۆلە ناکۆتاکاندا ئەنجامدرا.

ئالان حمە سەعید، وەزیری پەروەردەی حكومەتی هەرێمی كوردستان ئەمڕۆ شەممە 3ی تەمموزی 2021 لە کۆنگرەیەکی رۆژنامەوانیدا ئاشکرایکرد كۆتایی ئەم هەفتەیە ئەنجامی تاقیكردنەوە نیشتمانییەكانی پۆلی 9ی بنەڕەتی ئاشكرا دەكرێت، هەروەها رۆژی 25ی تەمموز دەست بە تاقیکردنەوەکانی پۆلە کۆتاکان دەکرێت.
 
ئەمساڵ تاقیکردنەوەی نیشتمانی 9ی بنەڕەتی هاوکات لەگەڵ تاقیکردنەوەی پۆلە ناکۆتاکان ئەنجامدرا، لەکاتێکدا ساڵانی رابردوو پاش ئەنجامدانی تاقیکردنەوەی پۆلە ناکۆتاکان تاقیکردنەوەی نیشتمانی ئەنجامدەدرا.

پ.ح