مەودا میدیا- 

ئەمشەو چەکدارانی رێکخراوی تیرۆریستی  داعش هێرشیان کردە سوپای عیراق لە گوندی عەبوەی رۆژئاوای قەزای خورماتوو، تائێستا هێزە عیراقییەکان هیچ زیانێکی هێرشەکەیان ئاشکرا نەکردووە، بەڵام رووبەڕووی چەکدارانی داعش بوونەتەوە.

بەپێی زانیارییەکانی مەودا میدیا، ئەمشەو شەممە 3ی تەموزی 2021 چەکدارانی داعش هێرشیان کردە فەوجی سێی سوپای عیراق لە گوندی عەبوەی رۆژئاوای قەزای خورماتوو.

هەر بەپێی زانیارییەکان، هێرشەکان لە رێگەی بەکارهێنانی چەکی قەناس و ئاربیجیوە بووە و سوپای عیراق وەڵامی هێرشەکەیان داوەتەوە، بەڵام تائێستا هیچ زانیارییەک لەبارەی زیانەکانەوە ئاشکرا نەکراوە.

س.س