مەودا میدیا-

بەڕێوەبەرایەتیی گشتیی تەندروستیی سلێمانی ئاشکرایکرد "تائێستا لە سنووری پارێزگای سلێمانی زیاتر لە 68 هەزار هاوڵاتیی ڤاكسینی كۆرۆنایان وەرگرتووە، نزیکەی 28 هەزار هاوڵاتیی بە تەمەن ڤاکسینی دژە کۆرۆنایان وەرگرتووە".

سەبارەت بە پێدانی ڤاکسین و بەدەمەوەچوونی هاوڵاتییان بۆ وەرگرتنی ڤاکسینی دژە کۆرۆنا هێرش سەلیم، جێگری بەڕێوەبەری گشتیی تەندروستیی سلێمانی بە مەودا میدیای راگەیاند "تائیستا 43 هەزار و 624 هاوڵاتیی ژەمی یەكەمی ڤاكسینی دژە كۆرۆنایان وەرگرتووە و 24 هەزار و 318 هاوڵاتیی دیکە ژەمی دووەمیان پێدراوە، هیچ جیاوازییەک لەنێوان ڤاکسینەکاندا نییە و سەرجەمیان بۆ بەرزکردنەوەی بەرگری لەشی مرۆڤە".

هاوکات بەپێی ئامارێک کە بڵاوکراوەتەوە "تائێستا زیاد لە 68 هەزار هاوڵاتیی ڤاکسینی دژە کۆرۆنایان وەرگرتووە، هاوکات 27 هەزار و 543 هاوڵاتیی بە تەمەن کە تەمەنیان لە سەروو 50 ساڵە، ڤاکسینیان وەرگرتووە".

پ.ح