مەودا میدیا-

جێگری سەرۆکی ئەنجوومەنی پارێزگای سلێمانی لە نووسراوێکدا داوا دەکات ئەنجوومەنەکە لێکۆڵینەوە لە پرسی فرۆشتنی بەنزین بە 500 دینار بکات.

بەرزان محەمەد ساڵح، جێگری سەرۆکی ئەنجوومەنی پارێزگای سلێمانی لە نووسراوێکی فەرمییدا کە وێنەیەکی دەست مەودا میدیا کەوتووە، داوایکردووە پرسیار لە حکومەت بکرێت کە بۆچی سەرمایەدارێک دەتوانێت بەنزین بە 500 دینار بفرۆشیت بەڵام بەنزینخانەکانی تر بەو نرخە نایفرۆشن.

ناوبراو لە نووسراوەکەدا داوای کردووە لایەنی پەیوەندیدار لەبارەی ئەو پرسەو ەروونکردنەوە بدات و هۆکارەکەی روونبکاتەوە.

ماوەی زیاتر کە 10 رۆژە لە سلێمانی، شاسوار عەبدولواحید، سەرۆکی جوڵانەوەی نەوەی نوێ بەنزینخانەیەکی داناوە و بەنزین بە 500 دینار دەفرۆشێت، لەکاتێکدا لە بەنزینخانەکانی تر نرخی لیترێک بەنزین لە سەروو 750 دیناری عیراقییەوەیە.

ب.م