مەودا میدیا-

وەزارەتی بازرگانی عیراق ئاشکرایکرد مانگانە سەبەتەیەكی خۆراكی تەواو کە پێکهاتووە لە حەوت جۆر خۆراک بەسەر هاوڵاتییاندا دابەشدەکرێت،  بەڕێوەبەری كۆمپانیای دابەشكردنی خۆراك لە سلێمانی رایگەیاند بەشێکی زۆری ئەو خۆراکە گەیشتووە.

وەزارەتی بازرگانی و پیشەسازی عیراق لە راگەیەندراوێکدا ئاماژەی بەوەکردووە مانگانە سەبەتەیەک خۆراکی تەواو کە پێکهاتووە کە حەوت جۆر خۆراک جۆرەکانی برنج، شەكر، زەیت، دۆشاوی تەماتە، فاسۆلیا، نیسك بەسەر هاوڵاتییاندا دابەشدەکرێت، بۆ ئەم مەبەستە بڕێک لەو جۆرە خۆراکانە رەوانەی پارێزگاکانی کراون.

هاوکات شەوکەت محەمەد، ەڕێوەبەری كۆمپانیای دابەشكردنی خۆراك لە سلێمانی بە مەودا میدیای راگەیاند "بڕێکی زۆری ئەو خۆراکە گەیشتووە و چاوەڕوانین بەشەکەی دیکەش بگات و بەمزووانە بڕیاری دابەشکردنی دەدەین".

پ.ح