مەودا میدیا-

میدیاکانی تورکیا رایانگەیاند، لە ئیستانبوڵ پۆلیسی تورکیا هەڵیکوتاوەتە سەر نوسینگەی مەلا عەلی، کەڵەک و سێ کەسیان دەستگیرکرد، نوسینگەکەشیان داخستووە.

کەناڵی (DHA ) تورکی بڵاویکردووەتەوە "لە ئیستانبوڵ پۆلیسی تورکیا هەڵیانکوتاوەتە سەر نوسینگەی مەلا عەلی کەڵەک بۆ دەستگیرکردنی، بەڵام لەو کاتەدا خۆی لەوێ نەبووە و بەوهۆیەوە سێ کارمەندی نوسینگەکەیان دەستگیرکردووە و نوسینگەکەشیان داخستووە".

کەناڵەکە ئەوەشی خستووتەڕوو "سەرباری ئەوەی کەسانێکی زۆر بەمەبەستی وەرگرتنی چارەسەری پزیشکی سەردانیان کردووە، بەڵام لە ئێستادا نوسینگەکە داخراوە و كاركردن له‌سه‌ر ئه‌و رێگه‌یه‌ی مه‌لا عه‌لی بانگه‌شه‌ی بۆ ده‌كات قه‌ده‌غه‌كراوە ".

مەلا عەلی کەڵەک لە ماوەی رابردوودا لە هەرێمی کوردستان وەک پزیشک خۆیناساند و بەناوی توبی نەبەوی چارەسەری بۆ خەڵکی دەکرد لە رێگای خوێندنی قورئان و پێدانی گژوگیای سروشتی.

ر. ر