کاوە عەبدولقادر، پەرلەمانتاری فراکسیۆنی نەوەی نوێ لە پەرلەمانی کوردستان سەبارەت بە کەمی کۆبوونەوەکانی پەرلەمانی کوردستان بە مەودا میدیای راگەیاند "کەمی کۆبوونەوەکان بۆچەند هۆکارێک دەگەڕێتەوە ئەویش یەکێک لە هۆکارەکان دەگەڕێتەوە بۆ کێشەی نێوان لایەنەکان لەسەرەتای دەست بەکاربوونی پەرلەمانەوە، هەروەها هۆکارێکی دیکەش پەیوەستە بە سەرۆکایەتیی پەرلەمانی کوردستان کە بەپێی پەیڕەوی ناوخۆ دەبێت پەرلەمان لە هەفتەیەکدا دوو جار کۆبوونەوە بکات، بەڵام سەرۆکایەتی پەرلەمان کۆبوونەوە دانانێت و کارنامە دیاری ناکات ئەمەش کەمتەرخەمیە لە سەرۆکایەتی پەرلەمانی کوردستان".

ئەو پەرلەمانتارە وتیشی "تاوەکو ئێستا تەنها یەک پڕۆژە یاسا لە پەرلەمانی کوردستان کراوەتە یاسا ئەو یاسایەش حکومەتی هەرێم رەتیکردووەتەوە کە پڕۆژە یاسای تاپۆکردنی خانووە زیادەڕەوییەکانە، بەڵام چەند بڕیارێک دراوە لە کۆبوونەوەکانی پەرلەماندا".