مەودا میدیا-

له‌ ئه‌فغانستان دوای ئه‌وه‌ی كه‌ تاڵیبان دوێنێ كۆنترۆڵ كردنی ته‌واوه‌تی وڵاته‌كه‌ی راگه‌یاند، ئه‌مڕۆ پێكهێنانی (حكومه‌تی كاتی) به‌ سه‌رۆكایه‌تی مه‌لا محه‌مه‌د حه‌سه‌ن ئاشكرا كرد.

 زه‌بیحوڵڵا موجاهید، وته‌بێژی بزووتنەوەی تاڵیبان له‌ كۆنگره‌یه‌كی رۆژنامه‌وانییدا كه‌ له‌ كابولی پایته‌خت سازی كرد، ئه‌و ناوانه‌ی راگه‌یاند كه‌ له‌ (حكومه‌تی كاتی)دا پۆستیان وه‌رگرتووه‌.

زه‌بیحوڵڵا موجاهید ئاماژەی بەوەکرد، هه‌ریه‌ك له‌ مه‌لا عه‌بدولغه‌نی براده‌ر و عه‌بدولسه‌لام حه‌نه‌فی كراونه‌ته‌ جێگری سه‌رۆك وه‌زیرانی ئەفغانستان.

هاوکات ئەوەشی خستووتەڕوو، ناوه‌ دیاره‌كانی كابینه‌ی حكومه‌تی كاتیی تاڵیبان به‌م شێوه‌یه‌ن ( سیراجه‌ددین حه‌قانی، بریكاری وه‌زاره‌تی ناوخۆ، ئه‌میرخان موتته‌قی، بریكاری وه‌زاره‌تی ده‌ره‌وه‌ و محه‌مه‌د یه‌عقوب موجاهید، بریكاری وه‌زیری به‌رگریی)

ر. ر