مەودا میدیا- سازگار ئەحمەد

لە وەرزی پاییزداین و هاوڵاتییان چاوەڕێی ئەوە دەکەن دەست بە دابەشکردنی نەوتی سپی بکرێت، ئەندامێکی لیژنەی وزه‌ و سامانە سروشتییه‌كان و پیشه‌سازى و بازرگانی پەرلەمانی کوردستانیش رایدەگەیەنێت بەپێی ئەو زانیاریانەی پێیان دراوە لە دوای هەڵبژاردن دەست بە دابەشکردنی نەوتی سپی ماڵان دەکرێت.

رێبوار بابکەیی، ئەندامی لیژنەی وزه‌ و سامانە سروشتییه‌كان و پیشه‌سازى و بازرگانی لە پەرلەمانی کوردستان بە مەودا میدیای راگەیاند "بەپێی ئەو زانیاریانەی پێمان دراوە دوای کۆتایی هاتنی پرۆسەی هەڵبژاردنی ئەنجومەنی نوێنەرانی عیراق دەست بە دابەشکردنی نەوتی سپی ماڵان دەکرێت".

ئەو ئەندامەی لیژنەی وزه‌ و سامانە سروشتییه‌كان و پیشه‌سازى و بازرگانی ئاماژەی بەوەشکرد "پرۆسەی دابەشکردنی نەوتی سپی ماڵان بۆ زستانی ئەمساڵە و سەرجەم شار و شارۆچکە و ناوچەکانی هەرێمی کوردستان دەگرێتەوە".

س.ر